Вызначаны (магчымы) маршрут "Чарнобыльскага Шляху"

Содержание

У Мінску прайшло паседжанне аргкамітэту па падрыхтоўцы “Чарнобыльскага шляху”. Вызначаны час правядзення і маршрут акцыі.

Прынятае рашэнне прызначыць збор удзельнікаў мерапрыемства 26 красавіка а 14 гадзіне каля Акадэміі Навук. Шэсце плануецца ладзіць па галоўнаму праспекту да плошчы Незалежнасці.

Намеснік кіраўніка Руху “За Свабоду” Віктар Карнеенка лічыць, выбар маршруту вельмі сымбалічным:

– Па такім самым маршруце адбыўся першы “Чарнобыльскі шлях” у 1989-м годзе. У ім бралі ўдзел навуковец АН СССР спадар Яўген Веліхаў, вядом беларускі пісьменнік і Грамадзян сваёй краіны Алесь Адамовіч, палітык Станіслаў Шушкевіч. Вельмі важна, што і народ і палітычныя партыі і беларускія ўлады у той час сыходзіліся ў ацэнках наступстваў катастрофы. Людзі кансалідаваліся і акцыя праходзіла без канфрантацый.

Сёлетні “Чарнобыльскі шлях” вырашана правесці пад лозунгамі нязгоды з будаўніцтва АЭС без грамадскага абмеркавання і кантролю, патрабавання належнай аховы здароўя насельніцтва і супраць адмены сацыяльных гарантый пацярпелым ад катастрофы, у тым ліку ліквідатарам.

Заяўку ў Мінгарвыканкам, якая будзе падавацца да серады наступнага тыдня, падпіша лідэр Руху “За Свабоду” Аляксандр Мілінкевіч, а таксама прадстаўнікі Партыі БНФ, АГП, БСДП(Г) і грамадскіх арганізацый.

Крыніца: http://by.milinkevich.org//news/data/ic_77/3029/

Powered by Free Software, including Ruby programming language, PostgreSQL database. Samizdat engine is free software; you can distribute/modify it under the terms of the GNU General Public License version 3 or later.