DIY Film Fest запрашае да ўдзелу

Содержание

22 красавіка сканчваецца прыём заявак на ІІІ эдыцыю DIY Film Fest, што пройдзе 25-26 чэрвеня ў Менску, а 8-9 ліпеня ў Гдыні (Польшча). Адметнасьць DIY FILM FEST у тым, што гэта фільмовая падзея цалкам канцэнтруецца на контркультуры і ейным творчым уплыве на навакольную рэальнасьць. Калі ты лічыш, што твой фільм адпавядае лёзунгу FROM DIY, ABOUT DIY і нейкім чынам датычыцца ідэі Do It Yourself (зрабі сам(а)), то пішы нам на diyfilmfest@gmail.com. У адказе мы ўдакладнім нашыя патрабаваньні адносна тваёй заяўкі, а таксама дадзім адрэсу, па якой трэба будзе даслаць копію фільма для прагляду. Мы разглядаем заяўкі, што дойдуць да 22 красавіка. Зрэшты, заяўкі прымаюцца ўвесь час, і атрыманыя пасьля дэдлайну працы будуць разглядацца ў наступнай эдыцыі фэстывалю. На конкурсе SPIRIT OF DIY няма абмежаваньняў па жанры, годзе выданьня ці працягласьці фільма. Найбольш важныя для нас асьпекты - свабодная творчасьць і некамерцыйны характар кінематографа. Аўтары фільмаў, якія прайшлі адбор, змогуць прыняць рашэньне адносна ўдзелу ў конкурсе, а публіка абедзьвюх краін абярэ пераможцу ўзнагароды <a href="https://secure.wikimedia.org/wikipedia/en/wiki/Sarah_Jacobson">Сары Якабсан</a>. Акрамя таго, кожная прынятая на конкурс праца будзе агледжаная намі ў Інтэрнэце, і іхнія аўтары могуць разьлічваць на далейшую прамоцыю і кінапаказы. 
<br>
<br>
На сайце фэстывалю <a href="http://diyfilmfest.blogspot.com/">http://diyfilmfest.blogspot.com/</a> у разьдзеле &laquo;Падтрымка&raquo; таксама можна знайсьці інфармацыю пра тое, як можна далучыцца да нас, нават калі твой фільм пакуль яшчэ ня зьняты!

Powered by Free Software, including Ruby programming language, PostgreSQL database. Samizdat engine is free software; you can distribute/modify it under the terms of the GNU General Public License version 3 or later.