Дзядка змушаюць да напісання прашэння аб памілаванні

Содержание

*Адміністрацыя Магілёўскай калоніі прымушае Мікалая Дзядка, асуджанага па «справе анархістаў», напісаць прашэнне аб памілаванні.*

Па словах яго бацькі Аляксандра Дзядка, адміністрацыя ўжо двойчы прасіла Мікалая падпісаць патрэбны ім дакумент, але ён адмовіўся зрабіць гэта, бо лічыць сябе невінаватым:

_- З ім канкрэтна вялі размовы прадстаўнікі адміністрацыі. Ён паведамляў пра гэта і па тэлефоне, і ў лістах. Яму прапаноўвалі напісаць прашэнне аб памілаванні. Ён адмовіўся падпісаць такі дакумент, матывуючы гэта тым, што ён невінаваты і яму няма чаго пісаць. Адміністрацыя з гэтай нагоды пачала размову са мной, прычым не наўпрост, а намякалі аб тым, што наогул навошта яму там быць, калі ёсць магчымасць выйсці на волю. Я ім нічога не адказаў, сказаў толькі, што гэта справа Мікалая, ён чалавек дарослы і сам павінен вырашаць. У лістах я яму пісаў, што мы яго ў гэтым плане падтрымліваем і лічым, што калі чалавек невінаваты, то прасіць памілавання ён не павінен. Яго павінны рэабілітаваць як невінаватага._

27 траўня гэтага года суддзя Завадскога суда Мінска пакарала Мікалая Дзядка чатырма з паловай гадамі пазбаўлення волі ў калоніі агульнага рэжыму. Яго абвінавацілі ў арганізацыі антымілітарыскага шэсця ля будынка Міністэрства Абароны ў верасні 2009 года, а таксама ў шэрагу нападаў на прыватныя і дзяржаўныя ўстановы. Зараз ён адбывае пакаранне ў папраўчай калоніі № 15 ля Магілёва.

"Крыніца":http://new.racyja.com/news/dzyadka-zmushayuts-da-napisannya-prashennya-ab-pamilavanni

Powered by Free Software, including Ruby programming language, PostgreSQL database. Samizdat engine is free software; you can distribute/modify it under the terms of the GNU General Public License version 3 or later.