У Салігорску жыхары змагаюцца супраць высечкі лесу

Содержание

*Актывісты грамадзкай кампаніі «Абаронім лес» у Салігорску рыхтуюцца да кругласуткавай варты, каб спыніць незаконную, на  іх думку, высечку лесу ў трохкутніку паміж гарадзкімі вуліцамі Заслонава і Казлова.*

Паводле актывістаў, высечка можа адбыцца 10–11 верасьня. Яны не выключаюць, што ім прыйдзецца стаць «жывым шчытом» на шляху працаўнікоў, якіх накіруюць расчысьціць бэнзапіламі чарговую пляцоўку пад забудову.

Летась у гэтым раёне ўжо зьнішчылі частку зялёнай зоны. Пасьля пратэстаў грамадзкасьці высечкі спыніліся. У справу умяшаўся старшыня Менскага аблвыканкаму Барыс Батура, які забараніў мясцовым чыноўнікам чапаць лес. Але працы могуць аднавіцца, не выключаюць абаронцы лесу са спасылкай на крыніцы ў гарадзкой уладзе.

Актывісты кампаніі адзначаюць, што лес, які заплянаваны пад высечку на гэтых выходных, уваходзіць паводле зацьверджанага генэральнага пляну разьвіцьця гораду ў ляндшафтна-рэкрэацыйную зону, якая не павінна зьнішчацца.

"крыніца":http://www.svaboda.org/content/article/24323582.html

Powered by Free Software, including Ruby programming language, PostgreSQL database. Samizdat engine is free software; you can distribute/modify it under the terms of the GNU General Public License version 3 or later.