Большасьць наездаў на раварыстаў у Беларусі адбываюцца не па іх віне

Содержание

p<>. У мінулы годзе ДАІ зарэгістравала амаль паўтысячы наездаў на раварыстаў. І толькі ў 201 выпадку вінаватымі аказаліся ўладальнікі ровараў.

!>share-the-road.jpg(Делись Дорогой)!

p<>. Дзяржаўная аўтамабільная інспэкцыя падвяла вынікі здарэньняў мінулага году з удзелам раварыстаў. Высьветлілася, што з 431 выпадку наездаў на вэлясыпэдыстаў апошнія былі вінаватыя ў 201 здарэньні.

p<>. Пры гэтым у 2011 годзе на дарогах Беларусі *з-за наездаў на раварыстаў загінулі 115 чалавек, а 324 былі траўмаваныя.* Аб гэтым піша БелТА са спасылкай да ДАІ.

p<>. Найбольш вялікую пагрозу для раварыстаў нясе адсутнасьць на іх элемэнтаў, якія дазваляюць кіроўцам пабачыць ровары здалёк.

Якія патрабаваньні да раварыстаў высоўваюць правілы дарожнага руху

* Вэлясыпэдысты могуць перасоўвацца па роварнай дарожцы, а пры яе адсутнасьці — па збочыне, тратуары альбо пешаходнай дарожцы, не ствараючы перашкоды для бясьпечнага руху пешаходаў.
* Пры адсутнасьці пералічаных элемэнтаў альбо немагчымасьці руху па іх дапускаецца рух раварыстаў па праезнай частцы ў адзін шэраг не далей за 1 м. ад яе правага краю. Перасякаць дарогу дазваляецца толькі па пешаходным пераходзе, ведучы ровар побач з сабой.
* Пры гэтым, што асабліва актуальна ў вясновы пэрыяд, ровар павінен быць абсталяваны катафотамі, а, пры руху па дарозе ў цёмны час сутак альбо пры недастатковай бачнасьці на ёй, на вэлясыпэдзе павінныя быць уключаныя фары.
* ДАІ рэкамэндуе раварыстам нават у сьветлы час сутак выкарыстоўваць камізэлькі падвышанай бачнасьці са сьвятлоадбівальнымі ўстаўкамі.

p<>. Многія раварысты лічаць, што беларускае ДАІ не заўжды адэкватна ставіцца да іх. Гэтак у траўні мінулага году ў Гародні мясцовае ДАІ выступіла супраць папулярызацыі роварнага транспарту рухам «Крытычная маса», не дазволіўшы вэляактывістам адзначыць сваё 5-годзьдзе вялікім роварным прабегам.

p<>. Паводле кіраўніцтва ДАІ, такія прабегі правакуюць вэлясыпэдыстаў на парушэньне правілаў. Тады аўтаінспэктары заявілі, што разьвіваючы вэлярух як гарадзкі транспарт, раварысты толькі павялічваюць колькасьць ДТЗ з удзелам ровараў. Маўляй, аб росьце колькасьці такіх інцыдэнтаў сьведчыць статыстыка.

"Источник":http://generation.by/news5173.html

Powered by Free Software, including Ruby programming language, PostgreSQL database. Samizdat engine is free software; you can distribute/modify it under the terms of the GNU General Public License version 3 or later.