Палаточный городок взят штурмом

Содержание

В три часа ночи начался штурм палаточного лагеря силами ОМОНа. Все участники лагеря (по предварительным данным больше 400 человек) задержаны и в данный момент находятся на Окрестина.

Хроника событий от "Радыё Свабода":http://svaboda.org/

*3:00 Магчыма, рыхтуецца штурм плошчы*

Толькі што на плошчу падагналі некалькі аўтобусаў. Тут зьявілася некалькі дзясяткаў байцоў спэцназу.

Падпалкоўнік папрасіў усіх журналістаў выйсьці за ланцужок міліцыянтаў "у мэтах асабістай бясьпекі".

На плошчы зьявілася шмат людзей у цывільным.

Людзі скандуюць "Жыве Беларусь!" і "Міліцыя з народам!" Адчуваецца вялікая напружанасьць

На тым баку праспэкта Скарыны (Незалежнасьці) зьявіліся больш міліцыянтаў.

*3:07 Рыхтуецца штурм лягеру*

На Кастрычніцкую плошчу падагналі шэсьць грузавікоў МАЗ, поўныя спэцназаўцаў, у бронекамізэльках, у шлемах і з дручкамі.

Журналістаў не пускаюць бліжэй, чым за 50 мэтраў.

Цяпер ёсьць дадатковы ланцуг спэцназаўцаў у шлемах.

Увесь лягер абкружаны двайным колам.

Людзі маўчаць. Ім усім загадалі сесьці на зямлю праз мэгафон.

Грукат грузавікоў заглушае ўсё. Міліцыянты нешта аб'яўляюць у мэгафон, але нічога не чуваць.

Дзьверы грузавікоў адчыняюцца, зь іх выскокваюць спэцназаўцы.

*3:10 пачаўся штурм і затрыманьні*

Спэцназаўцы людзей гвалтам вядуць у браніраваныя МАЗ'ы. З двух бакоў стаяць па чатыры машыны. Людзі крычаць.

Іх вельмі хутка загружаюць у гэтыя машыны. Людзі супраціўляюцца. Яны ўзяліся за рукі. Трымаюць адзін аднаго. Але іх вырываюць па адным. У першую чаргу вырываюць людзей з краю.

*3:15 Ідзе штурм лягеру, людзей грузяць у браніраваныя МАЗ'ы*

Тры з шасьці МАЗаў ужо поўныя людзей. Яны, відаць, хутка ад'едуць. МАЗ'ы таксама абкружаны міліцыянтамі.

Людзей ужо супраціўляюцца ня так моцна. Некаторыя самі ідуць у кірунку МАЗ'аў. На плошчы засталіся намёты. Іх пакуль не разбурылі. Але людзей у ім ужо няма. І ўся тэрыторыя ачэплена міліцыянтамі.

МАЗ'ы завялі рухавікі і ўжо ад'яжджаюць.

Замежныя карэспандэнты адзначаюць, што вельмі цяжка рабіць фотаздымкі. Над лягерам было вельмі цёмна, а журналістаў выціснулі за два ланцугі міліцэйсага кардону.

*3:25 Штурм амаль скончаны, усіх затрымалі і вывезьлі ў невядомым кірунку*

Лягер стаіць пусты. Усе шэсьць машынаў МАЗ цёмна-зялёнага колеру, напоўненая людзьмі, пакідаюць плошчу.

Цяпер застаюцца толькі аўтобусы і міліцыянты. І нават яны цяпер зьяжджаюць.

Зьявіліся людзі ў цывільным. Яны аглядаюць намёту. Нешта шукаюць у іх.

Пад'ехаў звычайны грузавік. Відаць, у яе будуць складаць усе тыя рэчы, што засталіся на месцы намётавага лягеру.

Журналістаў бліжэй, чым на 50 мэтраў не падпускаюць.

*3:32 Паўсюль валяюцца асабістыя рэчы, харчы, балёнікі, лекі, сьцягі.*

А палове на 4-ю апэрацыя па затрыманьні дэманстрантаў скончана, усіх вывезьлі на МАЗ'ах, але месца па-ранейшаму недаступнае для прэсы. Магчыма, людзі ў цывільным хочуць нешта падкінуць у намёты. На момант штурму ў лягеры знаходзілася 460 чалавек, пераважна моладзь, большая частка – мужчыны. Сярод лідэраў апазыцыі была Валянціна Палевікова.

Цяпер намёты разьбіраюць. Усе рэчы складаюць у падгнаны грузавік.

Паўсюль валяюцца асабістыя рэчы, харчы, балёнікі, лекі, сьцягі.

Бел-чырвона-белыя сьцягі раскінутыя паўсюль. Некалькі чалавек,

Паўсюль валяюцца тэрмасы і плястыкавыя бутэлькі. Ніводнай бутэлькі ад алькагольнага напітку няма.

У цэнтры стаіць мангал, на якім гатавалася гарбата.

Цяпер на месцы знаходзіцца ў асноўным толькі журналісты. Здымаюць тое, што засталося.

*3:35 Журналістаў пусьцілі за кардон; на месцы зьявіўся Казулін*

Штурм скончыўся. На месцы застаюцца рэшткі палатак, спальныя мяхі, пакункі, прыватныя рэчы. Супрацоўнікі камунальнай службы апэратыўна прыбіраюць усе гэтыя рэчы – закідваюць у грузавікі. Тэрмасы, балёнікі, кампакт-дыскі, транспаранты...

На гэтым месцы ўсё яшчэ знаходзяцца спэцслужбы. Ацалёў адзін намёт. На ім "Пагоня" і дзьве іконы Божай маці.

На плошчу прыехаў Аляксандар Казулін. Яго абкружылі журналісты.

Амаль усе сьцягі канфіскавалі міліцыянты і ўвезьлі з сабой.

Астатнія рэчы зьбіраюць зараз супрацоўнікі камунальных службаў.

Powered by Free Software, including Ruby programming language, PostgreSQL database. Samizdat engine is free software; you can distribute/modify it under the terms of the GNU General Public License version 3 or later.