"Гудбай, Бацька!"

Содержание

У пятніцу, 26 траўня, на ўправе БНФ адбылася прэзэнтацыя другой па ліку працы студыі 
"Navinki Home Video":http://www.navinki.net
 у жанры гульневага кіно – кароткамэтражнай стужкі “Гудбай, бацька!”.

Першы фільм студыі  “Случай з пацаном” здымаўся пад прэзыдэнцкія выбары 2001 году, гэты меркавалі прадставіць грамадзкасьці да 19 сакавіка 2006. Але, як паведамілі аўтары, з-за аб'ектыўных падставаў выхад стужкі ў свет адбыўся трошкі значна пазьней запланаванага тэрміну. :)

Стужка зьнята ва ўжо апрабіраванай 
"NHV":http://www.navinki.net
 манэры кліпавага кіно. Гэта дазваляе эканоміць акторскія і рэжысэрскія рэсурсы, пакідаючы пры гэтым магчымасьць гледачу дадумваць і прастору для асабістых высноваў.

У назве і сюжэце фільма – прамая алюзія на  вядомы “Гуд бай, Ленін”. Але замест нямецкіх рэаліяў тут – вяртаньне бел-чырвона-белых сьцягоў, міграцыя наменклатуршчыкаў у ТБМ, скупка беларускіх флагманаў індустрыі транснацыянальнымі карпарацыямі.

Апантаным апазыіцыянэрам ня варта настройвацца на ўспрыманьне фільма   ў стылі “тое, аб чым даўно казалі бальшавікі, здзейсьнілася”. Стужка багатая  самымі рознымі, магчыма, нечаканымі для некаторых пытаньнямі і высновамі. У тым ліку даводзіць яна і пра наіўнасьць меркаваньня, нібыта адным крокам – напраклад, абраньнем у прэзыдэнты чалавека ад апазыцыі, --  няхай сабе і вельмі цяжка дасягнутым,  можна вырашыць усе пытаньні.

Несумнены плюс аўтарам: дакладны прагноз перамогі пачвараў на Еўрабачаньні :)

“Бывай, бацька!” абавязкова рэкамендуецца прагледзіць актывістам Маладога Фронту, экс-зубранятам у мэтах падрыхтоўкі да немінучага расчаравання ў партыйных лідэрах. І ўсім астатнім – дзеля прышчэпкі ад ружовых акуляраў, чарговага страсаньня сьвядомасьці кінэматаграфічным “кактэйлем Молатава” ад 
"NHV":http://www.navinki.net
... і проста кайфу ад стыльнай апэратарскай працы.

Самыя нецерпялівыя могуць набыць CD зараз праз  
"Navinki Home Video":http://www.navinki.net
 (кошт асобніка – 3500 рублёў). Але стваральнікі фільму сцвярджаюць, што яны не будуць супраць, калі фільм пачне распаўсюджвацца праз лакальныя інтэрнэт-сеткі, а таксама шляхам свабоднага капіявання на CD.

Увосень 
"Navinki Home Video":http://www.navinki.net
 абяцаюць выхад новага фільму жахаў. Пра што – пакуль не абвяшчаецца.

Powered by Free Software, including Ruby programming language, PostgreSQL database. Samizdat engine is free software; you can distribute/modify it under the terms of the GNU General Public License version 3 or later.