Антыджоб і альтэрнатыўная эканоміка

Содержание

BTW, можна лінкаў на матэр'ялы (пажадана, разумнага памеру), дзе даводзілася б мэтазгоднасьць і імавернасьць пабудовы "аўтаномных выспачкаў" у эканамічным моры капіталізму?

Заўжды у гэтым сэньсе схіляўся да пазыцыі -- зьмяненьня/захопу эксплуататарскай эканомікі, замест ізаляцыі ад яе.

Калі каротка -- грунтаваўся на тэзысах, што

* Без капіталістычнай інфраструктуры (шпіталі, камунікацыі) немагчымае жыцьцё сучаснага грамадзтва, таму поўная ізаляцыя - фікцыя.

* Частковая ізаляцыя (пэўная аўтанамізацыя ў межах капіталістычнага грамадзтва) працуе на маргіналізацыю актывістаў, памяншае мажлівасць уплыву на сацыяльныя і эканамічныя працэсы, пазбаўляе кантакту з астатнім грамадзтвам.

* Пераход колькасьці ў якасьць (замена капіталізму "аўтаномікай") у дадзеным выпадку немагчымы, бо аўтаномныя выспы не ставяць на мэце  будзь-якое захаваньне/разьвіцьцё  створанай капіталізмам тэхнічнай інфраструктуры.  Адпаведна, аўтаномныя выспы не змогуць самастойна забясьпечыць яе працу -- а значыць, _здольныя да існаваньня толькі ва ўмовах іншага ладу, здольнага падтрымліваць гэтую жыццяздольнасьць_. 
На дадзены момант такім ладам зьяўляецца толькі капіталізм. Яму і трэба шукаць паўнавартасную альтэрнатыву, не блытаючы яе з "аўтаномікай" -- спосабам існаваньня у межах эксплуататарскай эканомікі.

Зразумела, гэтыя тэзысы збольшага схематычныя, і напалову эмпірычныя. Зразумела, ёсць другі пункт погляду. Вельмі хацелася б пачытаць контарпазыцыю (абгрунтаваную, але ў прыдатных да ўспрыманьня памерах :). На жаль, ва ўмовах інфармацыйнай перагрузкі, час на тое, каб прачытаць  і крытычна пераасэнсаваць усю аўтаномскую бібліятэку, можа знайсьціся не хутка.

Powered by Free Software, including Ruby programming language, PostgreSQL database. Samizdat engine is free software; you can distribute/modify it under the terms of the GNU General Public License version 3 or later.