Чарнобыльскі капіталізм: разважанні чыноўніка

Содержание

10 красавіка дэпутаты беларускага “парламента” правялі чарговае абмеркаванне *законапраекта “Аб ільготах і сацыяльнай дапамозе грамадзянам”* . Справа ішла і пра “ўпарадкаванне” чарнобыльскіх ільготаў, дакладней таго, што ад іх засталося...

_"У капіталістычных краінах прынята дапамагаць толькі тым, хто жыве ў нястачы. Чалавек можа быць пацярпелым, але калі ён забяспечаны, то яму ніхто не стане дапамагаць. Напрыклад, у Японіі, калі чалавек прызнаецца пацярпелым ад уздзеяння радыяцыі, яму могуць выдаць бясплатныя медыкаменты для лячэння адной хваробы. Адной, а не ўсіх, як у нас. Плюс пацярпелы атрымоўвае штомесячныя выплаты. У Беларусі ж ільгот каля 40 відаў. Ад пазачарговага ўладкавання ў дамы састарэлых і да пакупкі тавараў без чаргі"_, – лічыць начальнік аддзела сацыяльнай абароны Дэпартамента па ліквідацыі наступстваў катастрофы на Чарнобыльскай АЭС МНС Беларусі *Уладзімір Кудзін*.

Паводле http://www.charter97.org/bel/news/2007/04/11/doza

*PS:* Варта звярнуць увагу на пагардлівы тон і цынічныя аргументы, якія выкарыстоўвае чыноўнік Камчарнобылю каб апраўдаць ліквідацыю ільготаў. Раней асноўны ўпор рэвізіяністаў рабіўся на тое, што, у дзяржавы, маўляў, "няма грошай", "нам ніхто не дапамагае" і г.д. Цяпер жа чыноўнікі метадычна даводзяць, што ліквідатары і ахвяры Чарнобыля атрымліваюць не ўзнагароду за гераізм і не законныя кампенсацыі за ўрон, прычынены ім гуманітарнай катастрофай, што адбылася па віне дзяржавы, а нешта накшталт дабрачыннай дапамогі, за якую яны павінны дзякаваць дзяржаве. А заўтра чыноўнікі абавязкова пачнуць штомесячна адлічваць працэнты з заробкаў тых жа чарнобыльцаў, каб пабудаваць БелАЭС...

Powered by Free Software, including Ruby programming language, PostgreSQL database. Samizdat engine is free software; you can distribute/modify it under the terms of the GNU General Public License version 3 or later.