Настроить, Войти
Бойка зь міліцыяй у клюбе "Арэна"
автор гость, дата 2007-08-11 21:54, комментариев: 2, связано с: Рэпартаж

http://community.livejournal.com/minsk_by/3842665.html

Бойкай зь міліцыяй і кіданьнямі камянямі скончыўся колькі хвілін таму канцэрт у менскім клюбе "Арэна". Міліцыянты ўвайшлі ў залю пад час выступу аднаго з гуртоў і запатрабавалі спыніць недазволены канцэрт. Публіка ўзбунтавалася і закідала міліцыянтаў і іх машыну камянямі. Ёсьць затрыманыя.

Канцэрт у "Арэне" быў прысьвечаны памяці аднаго вядомага менскага тусоўшчыка па мянушцы Сьмятана (Ільля Куркоў), ён загінуў 40 дзён таму. Пра гэта "Тузіну Гітоў" паведаміў адзін з наведнікаў нашага сайту. Плянаваліся выступы гуртоў Destroers, F.I.A., LimuZin, НаіСКАсок ды інш.

Пад час выступу аднаго з калектываў у клюб зайшлі міліцыянты і запатрабавалі спыніць канцэрт праз няслушна аформленае гастрольнае пасьведчаньне. Людзі пачалі выходзіць з клюбу і менавіта на вуліцы пачаліся першыя сутыкненьні з ахоўнікамі парадку. У выніку людзі закідалі камянямі міліцэскі УАЗік. На лесьніцы клюба "Арэна" таксама адбылася бойка. Прысутныя кажуць, што там выбітае ваконнае шкло.

Па непацьвержаных зьвестках, затрымана каля 5 чалавек. Адна асоба лёгка параненая (разьбітыя вусны).

by "Тузін Гітоў" http://music.fromby.net

Тэги

Рэпартаж: 1.00

Комментарии
  • автор гость, дата 2007-08-11 23:47, ссылка

    Людзі адмаўляліся пакінуць залю, скандавалі "A.C.A.B" (All Cops Are Bastards!). Потым пачалі выходзіць з клюбу, але працягвалі заставацца на падворку. Адбылося некалькі лякальных боек, паводле сьведкаў - справакаваных міліцыяй, але яны хутка скончыліся.

    Праз 10 хвілін на падворак заехаў міліцэйскі "ўазік". У гэты час нехта выбіў знутры шыбу на лесьвіцы клюбу. Адначасова міліцэйскую машыну пачалі закідваць каменьнем.

    Падчас інцыдэнту было арыштавана 5 асобаў, у тым ліку бубнач гурту «НаіСКАсок». На гэты момант супрацьстаяньне музыкаў ды моладзі супраць міліцыі скончылася.

    На другім паверсе гэтага ж будынку адбывалася вясельле, паводле непацьверджаных дадзеных - дзяцей некага зь міліцэйскіх чыноў, паведаміў сэрвэр "Тузін гітоў".

    http://svaboda.org/articlesfeatures/society/2007/8/F190AB8C-E16D-4704-94D7-9182CC08FD59.html

  • Затрыманыя
    автор гость, дата 2007-08-13 23:22, ссылка

    Былі затрыманы двое: хлопец і дзяўчына. Дзяўчыну выпусьцілі таго ж вечара, хлопца пратрымалі да суда (да раніцы ў панядзелак), прысудзілі 2 базавых і адпусьцілі.