Уладамі Беларусі агучаны пляны будаўніцтва атамнай электрастанцыі. Палітычнае рашэньне было прынятае з парушэньнем Орхускай канвэнцыі і дзейснага нацыянальнага заканадаўства, без шырокай грамадзкай дыскусіі аб эканамічнай і экалягічнай мэтазгоднасьці ўзьвядзеньня АЭС у Беларусі, а таксама, вызначэньня месца яе разьмяшчэньня і выканаўцы будаўніцтва.

Была праігнараваная пазыцыя незалежных экспэртаў, спэцыялістаў, навукоўцаў, прадстаўнікоў грамадзкіх арганізацыяў і рухаў, грамадзян Беларусі, якія рабілі спробы наладзіць адкрыты раўнапраўны дыялёг па гэтым пытаньні.

Мы, удзельнікі VI Асамблеі няўрадавых арганізацыяў ды ініцыятываў выказваем сваю нязгоду з рашэньнем аб будаўніцтве атамнай станцыі. Памятаючы аб трагедыі Чарнобыля, патрабуем скасаваць неабгрунтаванае і няўзгодненае з шырокай грамадзкасьцю рашэньне аб пабудове АЭС у Беларусі і патрабуем шырокага адкрытага абмеркаваньня гэтай праблемы на падставе дзейснага заканадаўства і міжнароднага права.