Настроить, Войти
Трое сутак арышту расійскаму журналісту Лашманкіну
автор u, дата 2011-03-25 08:42, комментариев: 1, связано с: Дзяржаўны тэрор

Праваабарончы цэнтр "Вясна" паведамляе:

Суддзя суду Аршанскага раёна і горада Оршы Інна Кохава абвінаваціла расійскага журналіста Аляксандра Лашманкіна ў дробным хуліганстве і пакарала яго адміністратыўным арыштам на 3 сутак. Журналіст тут жа абвясціў галадоўку.

Праваабаронца Васіль Леўчанкаў паспеў перадаць яму прадметы гігіены і пітную ваду.

Нагадаем, што 24 сакавіка ў Оршы пачаўся суд над расейскім журналістам Аляксандрам Лашманкіным, якога зьнялі з цягніка "Чэлябінск - Брэст" каля гадзіны ночы пры ўездзе на тэрыторыю Беларусі супрацоўнікі транспартнай міліцыі. Суддзя Інна Кохава. Журналіста абараняе адвакат, якога прызначыў суд - Дзмітрый Міронаў.

Журналіста вінавацяць ў дробным хуліганстве. Нібыта ў міліцыю паступіў ананімны тэлефонны званок аб тым, што адзін з пасажыраў правозіць наркатычнае рэчыва амфетамін. Згодна з пратаколам, пры затрыманьні Лашманкіна на факт праверкі наяўнасці наркотыкаў, ён размахваю рукамі і брыдкасловіў. Затрыманьне праводзілі старшы лейтэнант Філіпаў і міліцыянт Курачкін.

Крыніца: http://spring96.org/be/news/42062

Сайт агенцыі навінаў "Свобода", галоўным рэдактарам якой з'яўляецца Аляксандр Лашманкін: http://svoboda.tv/

Комментарии
  • Аляксандра Лашманкіна пазбавілі акрэдытацыі
    автор u, дата 2011-03-29 21:30, ссылка

    Паведамляе радыё "Свабода":

    http://www.svaboda.org/content/article/3539124.html

    Грамадзяніна Расеі, рэдактара інфармацыйнага агенцтва «Свабода» Аляксандра Лашманкіна пазбавілі акрэдытацыі ў беларускім Міністэрстве замежных спраў.

    Пра гэта журналіст паведаміў карэспандэнту «Свабоды».

    «Сёньня я зайшоў у МЗС па картку, і мне сказалі, што я пазбаўлены акрэдытацыі. Падставаў не патлумачылі і сказалі заўтра прыйсьці па выпіску. Відаць, тут не патрэбныя такія журналісты, як я. Тут патрэбныя людзі, якія апісваюць падзеі з таго пункту гледжаньня, які выгадны для Аляксандра Лукашэнкі. Я не гатовы гэта рабіць. Я лічу. што я аб’ектыўны. Прынамсі плянаваў такім быць. Ну што ж, цяпер мне гэта рабіць значна лягчэй».

    У беларускім МЗС заявілі,што Лашманкін пазбаўлены акрэдытацыі «у сувязі з парушэньнем беларускага заканадаўства».

    Свой арышт у Беларусі журналіст лічыць незаконным.

    «Мне інкрымінавана тое, чаго я не рабіў. Гэта паліцэйская правакацыя. Нібыта пад канвоем, калі мяне вялі ад цягніка…

    Просмотреть сообщение целиком