У суботу, 26 сакавіка, актывісты Руху за студэнцкае самакіраваньне правялі сэмінар, прысьвечаны рэформе вышэйшай адукацыі, якая ажыцьцяўляецца ўладамі дзеля скарачэньня дзяржаўнага фінансаваньня вышэйшае адукацыі ды пераводу яе на рынкавыя рэйкі. Пад час сэмінару былі разгледжаныя сацыяльна-эканамічныя аспэкты рэформы і ейная сувязь з глябальным працэсам камэрцыялізацыі адукацыі. Быў таксама прадстаўлены праект альтэрнатыўнага ўнівэрсітэту як асяродку свабоднага разьвіцьця асобаў ды незаідэялягізаванай навуковай дзейнасьці. Абмяркоўвалася альтэрнатыўная праграма рэформы вышэйшай адукацыі ў Беларусі. У хуткім часе матэрыялы сэмінару будуць даступныя ў Інтэрнэце. Сачыце за абнаўленьнямі на сайце http://belarus.avtonom.org/studorg.