кожны дзень, праглядаю навіны

твары, вельмі схудалыя бачу,

галадае за шчасце краіны

да старых маладыя ў прыдачу.

вучань трэцяй сярэдняе школы,

прачытаўшы на “хартыі” тэксты,

адмаўляецца піць “бела-колу”,

есць не хоча духмяныя кексы.

галадае і саша казулін,

супраць іншага сашы, вядома,

галадаюць бабулі, дзядулі,

галадае і кожны “сьвядомы”!

пратэстанты ўжо галадаюць,

пераймаючы досвед “сьвядомых”,

і таксама пратэст выяўляюць

там, на плошчы какашак вядомых.

страйкаваць стала дужа нямодна,

і пратэст – у крыўлянні і толькі,

стала крута быць вельмі галодным,

на канцэртах выскокваць полькі.

“рэвалюцыя” вам да спадобы???

без патрэбы хапаць дубальтоўку!

значак, бурбалкі з мыла, флэшмобы,

і, канешне, яшчэ галадоўка.