Шаноўныя сябры! Маем гонар запрасіць вас 10 верасня (субота) а 12-й гадзіне ў слаўнае мястэчка Крэва да сценаў славутага замка на фэст "Крэўскія камяні".

У праграме:

* канцэрт старадаўняй і сучаснай музыкі;

* экскурсіі на вазах па цікавых мясцінах старога Крэва;

* вечар бардаўскай песні;

* беларуская дуда, танцы, гульні;

* грандыёзная пясочная скульптура;

* тэатр ценяў;

* і шмат чаго іншага, цікавага ды вясёлага!!

Арганізатар фэсту - дабрачынны фонд "Крэўскі замак" і гісторыка-краязнаўчае таварыства БДУ культуры і мастацтваў "Этна". Здабытыя грошы будуць накіраваны на кансервацыю Крэўскага замка, помніка гісторыі і культуры Беларусі XIV ст. Крэва знаходзіцца за 100 км ад Менску па дарозе на Вільню.

УВАХОД НА ФЭСТ КАШТУЕ АДНОЙ ШЧЫРАЙ УСМЕШКІ!

Па ўсіх пытаннях звязвайцеся: 7820411, 7762435, 6725420; kreuski_zamak@tut.by