Вітем, шаноўныя сябры.
Магчыма вы ведаеце, што ў раёне плошчы Свабоды ( Парк Фрунзе, на месцы круглага фантана) плануецца пабудаваць забаўляльны цэнтр. Ён будзе ўключаць у сабе рэстарацыі, кавярні, бары.
Але не ўсё так проста, як бы хацелася гэта прадставіць нашым горадабудаўнікам і прадпрамальніку, які і сабраўся ажыцьцявіць гэты праэкт.
Справа ў тым, што дадзеная тэрыторыя з'яўляецца гістарычна-каштоўнай для нас. Для ўсіх тых, каму не абыякавая наша гістарычная спадчына.
Чаму нас цікавіць гэта тэрыторыя:
- у парку Фрунзе выяўленыя рэшткі падмурка сабора св. Мікалая
- старажытнай забудовы
- рэшткі могільніка, магчыма сярэдневечнага
- рэшткі замкавай сьцяны ( вядома, што дадзеная тэрыторыя ўваходзіла ў склад Ніжняга замка)
- зьнічтажэньне зялёнай часткі горада ў выглядзе парка ім.Фрунзе пагоршыць і без таго цяжкую экалагічную сітуацыю.
Плануемая забудова поўнасьцю перакрыжоўвае ўсе шляхі аднаўленьня помнікаў, якія знаходзіліся раней на гэтай тэрыторыі. Мы зацікаўлены ў захаваньні гістарычнай планіроўкі горада і культурнага слою, які вар'іруе тут ад 6 да 10 метраў.
Такім чынам нашыя мэты на дадзены момант:
- Прыпыніць на нейкі тэрмін будоўлю, якая можа вось-вось распачацца (ТДА ДАН сканчвае падрыхтоўку дакументацыі да першай чаргі будоўлі) На дадзены момант намі складзены зварот, пад якім падпсалася болей за 50 віцебчукоў, у якім мы просім галоўнага архітэктара патлумачыць дадзеную сітуацыю: бодоўля ў ахоўнай зоне, ў гістарычным месцы.
- Калі ў нас не атрымаецца прыпыніць хоць на нейкі тэрмін ажыцьцяўленьне гэтага праэкта, то дамагчыся паўнавартасных археалагічных раскопак і даследваньня гэтай тэрыторыі прафесіянальнымі і аб'ектыўнымі спецыялістамі.
- Таксама для нас вельмі важныя меркаваньні гісторыкаў, краяведаў віцебшчыны і меркаваньні простых віцебчукоў. Таму, будзем удзячныя, калі вы раскажыце пра дадзеную сітуацыю сваім родным і сябрам, магчыма, сярод вас ёсьць журналісты, якія могуць асвяціць дадзеную сітуацыю ў прэсе.
Будзем радыя любому супрацоўніцтву і дапамоге. Калі вас гэта зацікавіла, то больш падрабязную інфармацыю пра дадзеную сітуацыю можна знайсьці ў мяне.
Дзякуй.
З павагай і найлепшымі пажаданьнямі,
Таська
<jyve@mail.ru>