На франтах сусветнага супраціву

РАСІЯ

Па ўсей Расеі больш за 2 месяцы цягнецца страйк дальнабойшчыкаў. Праціўнікі сістэмы «Платон» патрабуюць поўнай адмены сістэмы, згодна з якой грузавікі вагай больш за 12 тон плацяць дадатковыя налогі. З 15 лістапада ўведзеная плата за праезд па федэральных трасах.

21 мая ў Хімках, куды з’ехаліся кіроўцы з усяго Падмаскоўя была затрымана больш за 10 дальнабойшчыкаў, якія ўдзельнічалі ў страйку. Аб разгоне акцыі пратэсту паведамляюць таксама з Варонежу.

 

ГРЭЦЫЯ

17-18 мая. Праз дзень пасля кароткіх, але інтэнсіўных баёў падчас усеагульнага страйку, сутычкі ізноў пачаліся падчас пратэстаў супраць мер эканоміі ў грэцкай сталіцы.

Пратэсты пачаліся зранку, калі пенсіянеры, нягледзячы на праліўны дождж, пайшлі маршам да парламента каб выразіць свой гнеў супраць уразання сваіх даходаў. «Больш ніякіх рабаўніцкіх падаткаў» — скандавалі яны.

Нягледзячы на сур’ёзныя праблемы з транспартам і закрыццё станцый метро тысячы людзей сабраліся ўвечары перад сценамі грэцкага парламенту.

Незадоўга да таго, як парламент прагаласаваў за меры эканоміі, група анархістаў паспрабавала увайсці ў ягоны будынак. Яны забраліся на прыступкі ля будынку парламента, дзе, як і за дзень да гэтага, пачаліся кароткія і жорсткія сутычкі. Паліцэйскі спецназ не даў анархістам дабрацца да самога заканадўчага органу, і быў атакаваны кактэйлямі Молатава.

Падчас аналагічнага пратэсту ў Салоніках людзі збілі паліцыянта і падпалілі ягоны матацыкл, а таксама флаг Еўразвязу.

Як і чакалася, большасць парламенту прагаласавала за меры эканоміі. Левы ўрад СІРЫЗы ізноў здрадзіў народу.

Відэа:

 

 

17 мая паведамлялася, што каля 2.30 ночы група з 20 чалавек атакавала кактэйлямі Молатава фасад паліцэйскага ўчастку ў раёне Амонія, Афіны. Крыху пазней невядомыя кінулі кактэйль Молатава ў Секрытарыят гандлю на плошчы Каніго. Каля 2.45 падверглася нападу падраздзяленне паліцэйскага спецназу на вуглу вуліцу Тосіца і Патісіон ля Палітэхнічага ўніверсітэту.

21 мая там жа каля 10 чалавек атакавалі паліцэйскі пастарунак Нафпактос у знак салідарнасці з Тасасам Тэафілу і іншымі зняволенымі паплечнікамі. Быў здзейснены напад на ахоўнікаў звонку, а аўтамабіль паліцыі быў закіданы камянямі. Кактэйлі Молатава паляцелі ў будынак пастарунку. Паліцыянты збеглі ўнутар і зачыніліся. Ніхто з паплечнікаў не пацярпеў.

 

ІЗРАІЛЬ\ПАЛЕСТЫНА

19 мая адбыліся сутычкі палеcцінскіх пратэстоўцаў з ізраільскімі салдатамі на Заходнім беразе рэкі Ярдан. Дэманстранты выступалі ў падтрымку галадоўкі палесцінскіх зняволеных у ізраільскіх турмах.

Бестэрміновая галадоўка зняволеных палесцінцаў пачалася супраць дрэнных умоў утрымання і палітыкі зняволення без суду, прынятай Ізраілем у 1980-м.

Відэа:

http://www.euronews.com/2017/05/20/west-bank-clashes

 

ВЕНЕСУЭЛА

У Венесэуле працягваюцца баі з паліцыяй падчас пратэстаў супраць рэжыму Мадура. На сённяшні дзень паведамляецца аб 42 забітых з абедзвюх бакоў.

Рэжым паслаў больш за 2500 салдатаў у штат Тахіра на мяжы з Калумбіяй. Там барацьба дасягнула найбольшага накалу: людзі калектыўна экспрапрыююць супермаркеты.

Агульныя ж патрабаванні народу: новыя выбары, барацьба з эканамічным крызісам і вызваленне палітзняволеных.

 

Відэа: http://www.euronews.com/2017/05/18/embattled-venezuelan-government-send-troops-to-combat-protester-violence

 

ЧЫЛІ

У ноч з 14 на 15 мая спрацавала выбуховая прылада ля Карпарацыі юрыдычнай дапамогі (CAJ). У выніку выбуху разбітае шкло і пашкоджаныя ахоўныя краты на вокнах. Хутка на месца здарэння прыбылі аператыўнікі паліцыі. Яны высветлілі, што выбховая прылада была зробленая на аснове чорнага пораху.

Выбух прынес толькі матэрыяльныя страты. Побач з месцам здарэння былі знойдзеныя ўлёткі, у якіх бярэцца адказнасць за акцыю. Ва ўлётках паведамляецца аб «таварышы Алехо» — палітычнай мянушцы Хоса Мунььяса Алкохоладо, айца-заснавальніка MIR-EGP (Паўстацкая армія бедных), які быў забіты недаўна ў Каракасе, Венесуэла, падчас абеду ў рэстаране. Яго чакалі двое забойцаў, якія стрэлілі яму ў галаву і збеглі.

«Эль Чыка Алеха» прымаў удзел у супраціве дыктатуры, а потым вырашыў працягнуць узброеную барацьбу разам з MIR-EGP, зрабіўшы шэраг экспрапрыяцыі банкаў і выбухаў.

Таксама ва ўлётках казалася аб дронах «Фантом» і іншых інструментах назірання, выкарыстаных чылійскімі ўладамі падчас пратэстаў у гарадах, для таго каб назіраць за тэрыторыяй і кантраляваць насельніцтва.

«Наша прамое дзеянне было і будзе вайной супраць багатых, моцных, карумпаваных і іх лакеяў. Дзяржава-турма-капітал палююць на жыццю: забойствы, зняволенні, увярганне ў галечу, уварванні [ў жытло], эксплутацыя і тэрарызм, легітымізаваны законамі і інстытуцыямі. […]

 

 

З першых дзён існавання чалавечай цывілізацыі ішла, не спыняючыся ні на секунду, вайна паміж прыгнечанымі і прыгнятальнікамі, рабамі і гаспадарамі, эксплуатуемымі і эксплуататарамі. Гэтая вайна – стрыжань чалавечай цывілізацыі. Барацьба волі супраць рабства, праўды супраць хлусні, дабра супраць зла.

Гэта – класавая вайна. Яе фронт пралягае ў кожным горадзе гэтай планеты, на кожнай вуліцы, і ў свядомасці кожнага з нас. Ад яе выніку залежыць, якім будзе нашая будучыня і будучыня нашых дзяцей.

Зводкі з франтоў класавай вайны чытайце на нашым сайце штотыдзень у аўторак.

Крыніцы:

http://vk.com/club22093079

http://kurdishdailynews.org

https://www.facebook.com/RebelResearchCentre/

http://325.nostate.net/

http://actforfree.nostate.net/

https://itsgoingdown.org/

https://www.facebook.com/blackrainboworg/

http://earthfirstjournal.org/newswire/

http://www.aitrus.info/

http://libcom.org

https://www.facebook.com/RebelResearchCentre/?fref=ts

http://www.euronews.com/

http://avtonom.org

Добавить комментарий

Ваш e-mail не будет опубликован. Обязательные поля помечены *