1) Наконт "Забей інфо" згодны і прыношу прабачэньні за неўважлівасьць. Лічу, што выдаляць усе роўна нельга. Там проста ёсьць спасылка (магчыма, наўмысная) на нацы-рэсурсы (спасылкі неактыўныя). Але нацысцкай прапаганды дадзенае выданьне не мае. Пры адпаведных каментах чытачы Індымедыі здольныя правільна ацаніць гэты "часопіс". Напрыклад, расцэньваць інтэрвью з "белай вонью" як танную і дурную правакацыю. Але паўтаруся - гэта не падстава для выдаленьня.

2) Наконт "Новай Эўропы" трэба адрозьніваць рытарычныя пытаньні і заклікі нешта выдаляць. Да таго ж лічыць "рэкляму Эўразьвязу" камерцыйнай можна толькі ў пераносным сэнсе :) . Бо тады мы зробім прэцэдэнт і можна будзе лічыць камерцыйнай рэкламай любы палітычны заклік ці меркаваньне.

3) Кінапаказы на "Галерэі" я лічу анонсамі, а не рэклямай. Яны маюць мэтай папулярызацыю некамерцыйнага кіно, а не тое, каб зарабіць грошы. Назваць гэта камерцыяй можна толькі па фармальнай прыкмеце, а не па сутнасьці.

Увогуле, я асабіста за мяккі падыход да мадэрацыі, каб выдаляліся толькі адназначныя парушэньні дамовы.

М. Ахламондтаў